TIME TRIAL

Coredonan den Elite A a tuma un total di ocho buelta a lo largo di e ruta di 5K na Eagle, manteniendo velocidadnan halto y competitivo. Sinembargo, George Winterdal a keda dominante cu un victoria den 1:01:48, cu su competidor di mas cerca Andrick Fingal cu  su tempo di 1:06:13, y Franklin Gomes net su tras cu 1:06:20. Tambe competiendo den categoria di Elite A tabata ciclistanan di Curacao, incluyendo Jerry Otten y Quinten Winkel, kendenan tabata entre e top tres temponan cu 1:02:08 y 1:05:34, respectivamente.

Despues di 6 buelta, Lucien Dirksz a gana den categoria Elite B cu e tempo di 49:17, sigui pa Victor Vrolijk y Kevin Kock cu tempo di 51:26 y 52:03, respectivamente.

Tur e otro categorianan a completa 4 buelta, unda Adolfo Gomes a proba di ta e maximo coredo den pre-Junior cu un tempo di 36:33.

Den Juniors, e ganador tabata Axel Werleman cu tempo di 33:04, sigui pa Alexander Robert cu 37:34. Tambe competiendoden e categoria tabata ciclistanan di Curacao, Sebastian Ton cu un excelente tempo di 31:53 y Symon Sloot cu e tempo di 35:12.

Submasters campeon a bay pa Fabio Sanchez, cu e tempo ganador di 34:13, sigui pa Frank Curiel cu 35:22 y Anthony Brouwer cu 38:45.

E categoria Masters a ser domina pa Albert Raven, cu a laga competencia atras cu tempo di 33:16, sigui pa Jan Hendrick Flanegin cu 37:06 y Rupert Ammerlaan cu 45:26.

Tabata un careda preta pa e dos top puestonan den categoria femenino, unda Doreen Kralick a gana cu tempo di 36:30, y Veronica Posner net su tras cu 7 seconde cu tempo di 36:37. Shariska Dirksz a bay cu e di tres puesto di honor cu tempo di 41:17.