Ciclistanan dedica di Aruba a competi e fin di siman aki pa e codiciado titulo di Campeon Nacional di Aruba. Aruba Wieler Bond (AWB) a tene su campeonato annual di Road Bike, unda test competidornan riba un circuito di Time Trial na Eagle como tambe riba un rigoroso, montañoso subidanan atraves di Sombre y Kadushi Largo. Na final e ganadornan a keda consistente den nan esfuerso unda e titularnan den ambos categoria (TT y den e circuito mas largo di ruta) bayendo pa George Winterdal den Elite A, Lucien Dirksz den Elite B, Axel Werleman den Juniors, Adolfo Gomes den pre-Juniors, Fabio Sanchez den Submasters, Albert Raven den Masters, y den division femenino pa Doreen Kralick.    

CIRCUITO SOMBRE-KADUSHI LARGO

Despues di 20 buelta, igualando e distancia di 100K, gloria di top coredo pa categoria Elite A tabata den nomber di George Winterdal, cu e tempo di 2:57:12. Su competidor mas cerca tabata Franklin Gomes cu e tempo di 3:01:34. Na di tres luga tabata Maximillian Irving cu e tempo di 3:19:53. Compitiendo tambe den categoria di Elite A tabata e ciclistanan di Curacao, incluso Jerry Otten y Quinten Winkel, cu tabata entre e top tres finalistanan cu temponan di 2:57:13 y 2:57:25, respectivamente.

Cumpliendo 15 buelta pa un distancia di 75K, Lucien Dirksz a gana categoria Elite B cu e tempo di 2:19:04, sigui pa Michel Roos y Victor Vrolijk cu tempo di 2:25:07 y 2:25:19, respectivamente.

Juniors tambe a completa un agotador 15 buelta, unda Axel Werleman a sali na prome luga cu e tempo di 2:20:12, sigui pa Alexander Robert cu tempo di 2:28:15 y na tres luga, Luis Cordoba cu 2:37:08. Tambe competiendo den e categoria aki tabata bishitantenan ciclistanan hoben di Curacao, cu tabata ten e top finalistanan incluyendo Sebastian Ton cu 2:18:44 y Symon Sloot cu 2:20:18.

Tur demas categoria a completa 12 buelta, pa e distancia di 60K, unda Adolfo Gomes, den pre-Juniors a termina e ruta den 1:59:25 di tempo. 

Den Submasters, Fabio Sanchez a gosa di un ventaha substancial ganando cu tempo di 1:51:33, sigui pa Frank Curiel cu 2:08:35 y Dennis Conradus cu 2:22:15.

E categoria di Masters un biaha mas a keda domina pa Albert Raven, cu a surpasa su competencia cu tempo di 1:51:11. Jan Hendrick Flanegin a keda na di dos luga cu tempo di 2:15:06.

Un biaha mas, e tabata un careda di nanishi cu nanishi pa e dos maximo puestonan di e categoria di dama, unda Doreen Kralick a gana cu temp di 2:04:22, y Veronica Posner net su tras cu 2:04:26 riba holoshi. Daniela Chica a termina na di tres luga cu un tempo di 2:29:52.