Candeloso careda di ruta diadomingo awor na Malmok

Diadomingo awor, 20 di juli 2008, tin un candeloso careda di road bike na e circuito di Malmok/Bakval. For di 7'or di mainta ta spera tur ciclista pa registra y unda pa 7:30 careda lo inicia. Ariba un circuito unda cada buelta ta 6.2 kilometer, e diferente categorianan lo core entre 10 pa 15 buelta dependiendo di nan respectivo categoria. Elite A lo core 15 buelta, mientras Elite B lo dal un total di 12 ronchi. E categorianan di Hubenil, Sub-Master, Master y Dama, tur lo core 10 buelta.

Muchanan di edad 13 y 14 cu ta competi den categoria 4 di kids, tambe ta bon bini pa core "out of competition". Nan por usa e oportunidad aki como un training pa nan siguiente careda dia 17 di Augustus. 

Expectativa ta halto pa e tremendo careda diadomingo awor, mirando e prestacionnan sobresaliente cu nos ciclistanan Arubiano a bin ta demostra. Publico ta invita pa staciona a lo largo di e ruta, unda tin tremendo ambiente deportivo y amplio oportunidad di apoya bo ciclista favorito.

REGISTRACION:

Diadomingo lo tin registracion, cuminsando pa 7'or di mainta. E careda ta programa pa cuminsa pa 7:30 a.m.

Click akinan pa e Technical Guide.

Google image of Circuit. Click Here.