Hopi expectativa pa cu e

Youth Caribbean Cycling Championships 

Manera ya ta conoci, dia 12 y 13 di juli proximo lo tin e evento di Youth Caribbean Cycling Championships na nos hermana isla Curacao. E careda lo ta pa jovennan di 15 pa 18 ana. Otro islanan di caribe cu tambe lo ta participando ta: Anguilla, Barbados, Belize, Bermuda, Jamaica, St. Kitts & Nevis, St. Maarten, St. Vincent & The Grenadines y Trinidad & Tobago. Mas cu claro Curacao y Aruba tambe lo ta parti di e evento. En total, e organisadornan ta conta riba 80 joven participante.

E seleccion cu lo bai representa Aruba ta:

Categoria Damas: Josemary Geerman

Categoria Pre-Junior: Alexander Robert y Adolfo Gomes

Categoria Junior: Axel Werleman

E selecion lo sali diawips venidero rumbo pa Curacao. Acompana pa nan trainer Reinaldo Mackintosh, asistente tecnico Ryan Dirksz, y delegado di Aruba Wieler Bond Juelle Thode.

E ciclistanan lo competi diasabra dia 12 di juli na un time trial individual, y dia 13 di juli lo tin e careda di ruta.

Mientrastanto, e seleccion ta den pleno preparacion pa dicho evento y Aruba Wieler Bond kier a desea tur claso di exito pa e caredanan aki.