|
Ciclistanan hoben destacando nan mes pa
disciplina y velocidad riba bais
Aruba Wieler Bond (AWB) su campeonato hubenil di road bike tabata exitoso. Fanaticada a gosa di un espectaculo ciclistico yen di energia di nos muchanan riba bais.
RESULTADO DI CAMPEONATO NACIONAL:
E campeon nacional den mucha muher categoria 1 Girls, di 6 pa 7 aña, tabata Kayla Arends.
E campeon nacional di categoria 2 Girls, 8 pa 9 aña di edad, tabata Jeanice Croes, sigui pa Sophie Mackintosh y na di tres luga, Mizha Tromp.
Den categoria 3 Girls, edad di 10 pa 11 aña, a titula campeon nacional a bay pa Deandra Gomes. Como subcampeon a keda Emileen Kock cu e tempo di 12:28.
Den categoria 4 Girls, edad 12 pa 13, tabata Geraldine da Silva cu a titula campeon nacional. Jeanira Croes a keda como subcampeon.
Pa loke ta e mucha hombernan. No tabata tin categoria 1 boys di edad 6 pa 7.
Den e categoria 2 boys, a titula campeon nacional a bay pa Akeem Kock. Sub campeon ta Nathan Boekhoudt.
Den categoria 3 boys, Edrick Krozendijk a gana e titula campeon nacional. Sub campeon a keda Joao da Silva y di tres luga a keda Egbert Henriquez.
Den categoria 4 boys, e campeon nacional a bira Javier Hoek. Na di dos luga a keda Emre Estimez y net su tras Andrew Larmonie. Otro hobennan cu a haci tremendo prestacion tabata Christiaan Arends , Jean Marc v/d Biezen , Gerson Irausquin, Jean Marc Croes, Eugene Dirksz y Shakeem Lewis.
CICLISMO DEN PROGRESO:
AWB ta felicita tur nos campeon nacional y tur e hobennan pa nan tremendo prestacion. Ademas AWB ta gradici, tur voluntario, mayornan y fanaticada cu a haci e dia uno sumamente exitoso pa e categoria infantil y hubenil. Ciclismo ta ofrece hobennan oportunidad pa practica un deporte organisa cu nan por participa den diferente forma. Tin montainbike, road race y BMX. Hobennan cu talento por practica hunto cu varios team di ciclismo y ta haya instrucción na e sitio mes.
|
