| Upcoming Event: Family Bike Tour, Sunday June 22 |
|
|
|
Family Bike Tour diadomingo 22 di juni na Piedra Plat organisa pa Aerodynamic Cycling Team
Organisa pa Aerodynamic Cycling Team, e evento ta dirigi pa henter famia pasa un rato alegre haciendo ehercisio recreativo riba bicicleta. Bon pa salud, movecion riba bicicleta den e biketour lo ser acompaña pa e ambiente di famia pa cual ciclismo ta conoci. For di nieto di abuelo, mama, papa y tur tanchi y omo, lo ta riba baiskel mainta tempran ta manda pedal. E speed pa e Family Bike Tour ta uno placentero unda henter famia lo sinti nan mes comodo pa core.
For di 7’or di mainta ta spera tur ciclista pa registra pa 10 florin y unda pa 7:30 e paseo lo inicia. E liña di salida ta na Siribana y e ruta pintoresco ta cubri mas of menos 15 kilometer. E actividad ta auspicia pa AWB y ta conta cu guia di cuerpo policial Arubano. Tur tipo di bicicleta ta bonbini pa participa na e evento aki, sea ta roadbike, mountainbike, BMX of otro. Seguridad ta semper na prome lugar, y pa tal motibo e uso di un helm ta obligatorio pa tur participante.
|
| < Prev | Next > |
|---|
