Aruba Cycling Association - Fin di siman emocionante den ciclismo (parti 1)

Fin di siman emocionante den ciclismo (parti 1)

Biento fuerte a test coredo di Curacao y Aruba durante Time Trial na Barcadera

E fin di siman cu ta tras di lomba tabata tin bataya formal entre rivalnan di ciclismo. Durante dos careda, e prome un time trial unda cada coredo ta core su so pa miho tempo y e di dos un circuito desafiante den e ceronan di Warawara, Boton y Maria Mai, coredonan di Aruba y Curacao a manda pedal pa yega velocidadnan resaltante. En total 10 coredo di Curacao, incluyendo e team nacional di ciclismo, tabata presente e fin di siman aki pa midi forsa cu contrincantenan di Aruba. Intercambio asina ta brinda un estimulo na nos coredonan y ta sirbi pa desaroya experiencia y talento. E caredanan di fin di siman a keda combina den un 2-day stage clasification cual ta tuma den consideracion resultado di ambos careda pa determina premiacion.

RESULTADO DI STAGE 1 TIME TRIAL:

Den time trial e meta ta pa e miho tempo di cada atleta. Cada coredo ta sali individual for di salida, cu 1 minuut di distancia entre cada coredo. Di e forma aki e coredo ta riba su mes y e unico strategia ta pa logra su miho tempo posibel. Mester menciona cu e biento fuerte di Aruba a forma un elemento desafiante pa tur coredo.

Aki a coloca na prome luga, den e categoria di ELITE A, e top coredo di Curacao, Jerry Otten cu tempo di 0:42:52 pa e 27.2 KM di distancia. Na di dos luga a clasifica Gino Hodge di Aruba cu tempo di 0:42:56, unicamente 4 seconde tras di Otten. Na di tres luga, cu un tempo di 0:43:27 a termina Maximiliaan Irving.

Den categoria di ELITE B cualnan a core 18.4 KM di distancia, a termina na prome luga, Lucien Dirksz, cu tempo di 0:30:08, sigui pa Micheal Roos cu 0:32:51 y cerando e top tres clasificado tabata Carlos Dirksz kende a termina cu un holoshi marcando 0:32:55.

Den CATEGORIA JUNIOR a keda na di tres luga, cu un tempo di 0:32:27, Daniel Juliana, sigui na di dos lugar, cu un tempo di 0:30:07 pa Timothy Kook

E miho clasificado di speed a bai pa Quinten Winkel cu a cubri 18.4 KM den tempo di 0:27:51. Tur tres coredo na top tabata di Curacao. Axel Werleman (0:33:27) y Alexander Robert (0:34:08) di Aruba a completa e categoria aki.

Den CATEGORIA PRE-JUNIOR cu tambe a core 18.4KM a registra: prome luga, Sebastian Ton di Curacao cu tempo di 0:30:06. Despues Adolfo Gomes di Aruba na di dos luga cu tempo di 0:31:54. Na tercer luga tabata Wilfrid Camelia di Curacao den 0:32:28 minuut.

CATEGORIA DAMA a registra: Doreen Kralick cu a cubri e mesun 18.4 KM den tempo di 0:34:21, sigui pa Josemary Geerman cu 0:38:24 y Shariska Dirksz na di tres luga cu

0:38:37. Na cuater lugar a completa Daniela Chica den 0:46:02. Tur dama competido tabata di Aruba.

CATEGORIA SUBMASTER a conta cu 4 participante. Na prome luga, holoshi a marca 0:30:54 pa Fabio Sanchez (Aruba) na prome luga. A sigui na di dos luga Frank Curiel (Aruba) cu 0:34:39 y na di tres luga cu tempo di 0:35:45, Orpheuo Helstone (Curacao). Paul Vandormael a completa e categoria cu 0:35:56.

Den CATEGORIA DI MASTER, e prome luga a hiba nomber di Albert Raven

0:31:40, sigui na di dos luga pa Jan Hendrik Flanegin cu 0:34:06 y Gabriel Ienna cu tempo di 0:36:55. En total tabata tin 7 coredo den e categoria aki, tur di Aruba.

CABA DIASABRA PREPARA PA DIADOMINGO:

Asina e postulacion pa e prome dia di careda a termina diasabra unda coredonan por a haya un idea di speed di contrincantenan. A resalta di inmediato e potencia di e team nacional hubenil di Curacao cual hobennan tabata serio den nan pedal y a registra temponan imponente.

Na final di e careda a reina e ambiente di famia cual ciclismo ta orguyoso di dje, unda e deportistanan, nan fanaticada y famia tur ta intercambia di e evento y discuti strategia pa e proximo dia. Diadomingo siguiente a sigui e di dos parti di e evento di intercambio di dos dia cu careda na circuito di Warawara.

< Prev		Next >

[ Back ]