Campeonato Nacional Hubenil 2010 PDF Print E-mail

E fin di siman venidero, dianan 12 y 13 di juni, AWB seccion Hubenil, lo ta organisando e

Campeonato Nacional 2010. Riba diasabra lo tin e campeonato nacional di Time Trial

na Barcadera y diadomingo lo tuma lugar e campeonato nacional di Ruta na Ayo.

Tur 2 campeonato ta pa muchanan naci entre 1996 y 2004, pues di 6 pa 14 anja.  

 

Inscripcion pa e campeonato aki ta bai estrictamente via e-mail ( This e-mail address is being protected from spam bots, you need JavaScript enabled to view it ) y ta sera diahuebs 10 di juni. Por download e formulario di inscripcion via nos website www.arubacycling.net.   

Pago di inscripcion ta wordo hasi riba dia di careda, na cual momento mester presenta cu carnet di miembrecia.

E costo ta di Afl 5 pa cada careda.

Pa muchanan cu no ta miembro di AWB, ta pidi pa trece un forma valido di identificacion (ID of paspoort).    

Pa por bin na remarke pa bira Campeon Nacional, e coredor mester cumpli cu e siguiente rekisitonan:   

  • Mester tin nacionalidad hulandes
  • Mester ta residencia na Aruba pa por lo menos 12 luna prome cu e campeonato     
  • Mester ta miembro di AWB   

E muchanan cu no ta cumpli cu e rekisitonan aki, por participa toch den e caredanan,

pero lo no por bin na remarke pa hanja e titulo di Campeon Nacional.   

Check in lo ta di 6:45 pa 7:00 am y control di gear lo ta di 7:00 pa 7:20 am. Careda ta start 7:30 am en punto. Tur regla di AWB ta aplicabel pa e caredanan aki.

E distancianan y gear ratio pa e caredanan ta como lo siguiente:

 

12 Juni ’10     

Time Trial: Barcadera. Start/Finish: Varadero

  • Cat 1: 3 KM 
  • Cat 2: 3 KM
  • Cat 3:  4.6 KM (Te na AIS)                       
  • Cat 4: 5.8 KM  (Te na Eco Tech)   

 

13 Juni ’10     

Circuito: Ayo, Seroe Pita (2.9 KM). Start/Finish: Centro di Bario Ayo                      
  • Cat 1: 1 Rond  2.9 KM                       
  • Cat 2: 2 Rond  5.8 KM                       
  • Cat 3: 4 Rond  11.6 KM                       
  • Cat 4: 5 Rond 14.5 KM    

Edad di Categoria y Max Gear Ratio

  • Cat 1: Naci den 2004 – 2003 (6-7 anja) Gear 5.46 M
  • Cat 2: Naci den 2002 – 2001 (8-9 anja) Gear 5.46 M
  • Cat 3: Naci den 2000 – 1999 (10-11 anja) Gear 5.78 M
  • Cat 4: Naci den 1998/’97/’96 (12-14 anja) Gear 6.14 M    

 

Aruba Wieler Bond kier a extende un invitacion na tur mucha pa bin participa na e evento aki.

Fanaticadanan tambe ta keda bon bini pa bin apoya nos muchanan.

Formulario di inscripcion CN Hubenil 2010

Informacion adicional - Please Read!

 
Next >
[ Back ]