|
Caredanan di 18 di April 2010 |
|
|
|
-
ARUBA WIELER BOND TA CONTINUA CU SU SIGUIENTE EVENTO RIBA CALENDARIO 2010
-
-
Diadomingo venidero, dia 18 di april, AWB lo ta organizando su siguiente evento riba su calendario pa 2010. E evento aki lo tin algo pa tur edad, cuminsando for di 6 anja y tur nivel di ciclismo, di Recreativo te cu Elite. Lo cuminsa diadomingo mainta cu un Time Trial di 7.0 KM na San Nicolas pa e categorianan di 15 anja bai ariba y un Time Trial di 3.5 KM pa muchanan di 10 anja bai ariba. Riba e mesun diadomingo, pero den atardi lo tin un careda na e circuito di Coba Lodo pa mucha y adulto. Tambe lo tin un careda pa e mountainbikers, cual lo core un circuito mas grandi , pero cu e mesun start y finish cu e careda di ruta.
Pa e categorianan di Ruta, e careda aki lo ta uno di 2 etapa, pues nan resultado di e Time Trial di mainta y e careda di atardi ta wordo conta hunto, y esun cu mas punto ta bira e ganador absoluto den e evento aki. Registracion pa e evento aki, lo tuma lugar diasabra 17 di april di 7:00 pa 8:00 pm na Urataka Center na Santa Cruz. Aki tambe lo tene e reunion tecnico caminda lo duna tur detayes di e careda lo wordo comparti. Costo di inscripcion pa adulto lo ta Afl 15 pa miembro pa tur 2 careda of Afl 10 pa cada etapa individual. Pa non-members, e costo ta Afl 20 pa tur etapa of Afl 15 pa cada etapa individual.
Pa e categorianan di mucha, e costo ta Afl 5 pa cada etapa of Afl 7,50 pa tur 2 etapa. Aruba Wieler Bond kier a extende un invitacion na tur coredor di bicicleta pa bin participa na e careda. Fanaticadanan tambe ta keda bon bini pa bin apoya nos ciclistanan local. Nos a compronde cu lo tin ciclistanan di Curacao cu tambe lo ta bin trece competencia pa e coredornan di Aruba, pues boso apoyo lo keda altamente aprecia.
Pa mas informacion, incluyendo informacion di e rutanan y distancianan cu lo wordo cori, click riba e linksnan aki bouw.
Click akinan pa e Technical Guide (Adulto) di e evento
Click akinan pa distancianan pa e categorianan di Youth
|
